អត្ថបទព័ត៌មាន និងព្រឹត្តិការណ៍

កូរ៉េខាងត្បូងដាក់ឱ្យប្រើប្រាស់ច្បាប់ជាប្រវត្តិសាស្ត្រដើម្បីគ្រប់គ្រង AI ខណៈធុរកិច្ចថ្មីព្រមានពីបន្ទុកនៃការអនុលោមតាមច្បាប់

2026/01/23

សេចក្ដីប្រកាសព័ត៌មានស្ដីពី វឌ្ឍនភាពរបស់កម្ពុជាសម្រាប់សន្ទស្សន៍ភាពរួចរាល់នៃបញ្ញាសិប្បនិម្មិតនៅក្នុងរដ្ឋាភិបាល (Cambodia’s Progress in the Government AI Readiness Index)

2026/01/19

ក្រសួងប្រៃសណីយ៍និងទូរគមនាគមន៍ (ក.ប.ទ.) សូមជម្រាបជូនសាធារណជនទាំងអស់ជ្រាបថា យោងតាមរបាយការណ៍សន្ទស្សន៍ភាពរួចរាល់នៃបញ្ញាសិប្បនិម្មិតនៅក្នុងរដ្ឋាភិបាល (Government AI Readiness Index) របស់ស្ថាប័ន Oxford Insights កម្ពុជាបានជាប់ក្នុងចំណាត់ថ្នាក់សកល លេខ១១៨ នៅឆ្នាំ២០២៥ ក្នុងចំណោម ១៩៥ ប្រទេស ខណៈដែលឆ្នាំ២០២៤ កម្ពុជាស្ថិតនៅក្នុងចំណាត់ថ្នាក់សកល លេខ១៤៥។ វឌ្ឍនភាពដ៏គួរឱ្យកត់សម្គាល់នេះ បានបង្ហាញថា កម្ពុជាកំពុងធ្វើដំណើរក្នុងទិសដៅដ៏ត្រឹមត្រូវលើការចាប់យកបញ្ញាសិប្បនិម្មិតជាឧបករណ៍យុទ្ធសាស្ត្រ និងបានឆ្លុះបញ្ចាំងពីការប្តេជ្ញាចិត្តយ៉ាងមុតមាំរបស់រាជរដ្ឋាភិបាលកម្ពុជា ក្នុងការអភិវឌ្ឍហេដ្ឋារចនាសម្ព័ន្ធឌីជីថល ការពង្រឹងមូលធនជំនាញ ការរៀបចំគោលនយោបាយនិងលិខិតបទដ្ឋានគតិយុត្តអំណោយផល ការលើកទឹកចិត្តផ្នែកនវានុវត្តន៍និងធុរកិច្ចថ្មី និងការជំរុញប្រើប្រាស់បញ្ញាសិប្បនិម្មិតប្រកបដោយបរិយាបន្ន និងការទទួលខុសត្រូវ។ ក្នុងរយៈពេល ២ ឆ្នាំចុងក្រោយនេះ ក.ប.ទ. និងក្រសួង ស្ថាប័នពាក់ព័ន្ធសម្រេចបានសមិទ្ធផលសំខាន់ៗ មានដូចជា ការដាក់ឱ្យដំណើរការមជ្ឈមណ្ឌលស្រាវជ្រាវជាតិសម្រាប់បញ្ញាសិប្បនិម្មិតក្នុងវិស័យអប់រំ ការដាក់ចេញនូវរបាយការណ៍ស្តីពីការវាយតម្លៃភាពរួចរាល់ផ្នែកសីលធម៌បញ្ញាសិប្បនិម្មិតនៅកម្ពុជា និងផែនទីបង្ហាញផ្លូវអភិវឌ្ឍន៍ជំនាញឌីជីថលនៅកម្ពុជា ២០២៤-២០៣៥ ការរៀបចំឯកសារសំខាន់ៗ ដូចជា សេចក្តីព្រាងយុទ្ធសាស្ត្រជាតិស្តីពីបញ្ញាសិប្បនិម្មិត សេចក្តីព្រាងច្បាប់ស្តីពីកិច្ចការពារទិន្នន័យបុគ្គល សេចក្តីព្រាងច្បាប់ស្ដីពីសន្តិសុខសាយប័រ និងការដាក់ឱ្យប្រើប្រាស់កម្មវិធីដែលមានបច្ចេកវិទ្យាបញ្ញាសិប្បនិម្មិតមួយចំនួន ដូចជា ថ្នាលផ្ទៀងផ្ទាត់ឯកសារ verify.gov.kh កម្មវិធីបកប្រែ TranslateKH កម្មវិធីសារិកា (Sarika) កម្មវិធីម៉ាស៊ីនបកប្រែខ្មែរប្រៃយ៍ […]

អានបន្ថែម

សហរដ្ឋអាមេរិកអនុម័តការលក់បន្ទះឈីប AI កម្រិតខ្ពស់របស់ Nvidia ទៅប្រទេសចិន

2026/01/15

🔶 ការប្រែប្រួលគោលនយោបាយ៖ ក្រសួងពាណិជ្ជកម្មសហរដ្ឋអាមេរិក បានអនុញ្ញាតឱ្យក្រុមហ៊ុន Nvidia លក់ឈីបដំណើរការ AI ម៉ូដែល H200 (ជាឈីបកម្រិតខ្ពស់ទី២របស់ក្រុមហ៊ុន) ទៅប្រទេសចិន ដោយលើកលែងការរឹតបន្តឹងដែលមានពីមុន។ ទោះជាយ៉ាងណាក៏ដោយ ឈីបកម្រិតខ្ពស់បំផុត Blackwell ក៏នៅតែត្រូវបានហាមឃាត់។ 🔶 លក្ខខណ្ឌតឹងរ៉ឹង៖ ត្រូវប្រាកដថាមាន “ការផ្គត់ផ្គង់គ្រប់គ្រាន់” នៅសហរដ្ឋអាមេរិក។ អតិថិជនដែលជាជនជាតិចិនត្រូវតែជា “អតិថិជនដែលត្រូវបានអនុម័ត” បង្ហាញពីនីតិវិធីសន្តិសុខ ដើម្បីបង្ការការប្រើប្រាស់សម្រាប់គោលបំណងយោធា និងត្រូវបង់ថ្លៃ ២៥% តាមការកំណត់ដោយប្រធានាធិបតី ដូណាល់ ត្រាំ។ 🔶 បរិបទយុទ្ធសាស្ត្រ៖ នាយកប្រតិបត្តិ Nvidia លោក Jensen Huang បានអំពាវនាវ និងជំរុញយ៉ាងខ្លាំងឱ្យមានការអនុញ្ញាតនេះ ដោយអះអាងថាការចូលទៅកាន់ទីផ្សារចិនមានសារៈសំខាន់ណាស់សម្រាប់សម្ថភាពប្រកួតប្រជែងរបស់សហរដ្ឋអាមេរិក។ ខណៈដែលរដ្ឋាភិបាលប៉េកាំងធ្លាប់បានបញ្ជាឱ្យបដិសេធការប្រើឈីបបរទេស ដើម្បីជំរុញការផលិតឈីបក្នុងស្រុក អ្នកវិភាគជឿថា ក្រុមហ៊ុនក្នុងស្រុកចិននឹងនៅតែប្រញាប់ទិញ H200 ព្រោះជម្រើសក្នុងស្រុកនៅតែមានភាពខ្សោយ។ 🔶 ប្រតិកម្ម៖ Nvidia ស្វាគមន៍ការសម្រេចចិត្តនេះ ដោយចាត់ទុកថាជាកត្តាជំរុញការបង្កើតការងារនៅសហរដ្ឋអាមេរិក។ ផ្ទុយទៅវិញ ស្ថានទូតចិនបានរិះគន់អំពី “ការធ្វើនយោបាយលើពាណិជ្ជកម្មបច្ចេកវិទ្យា” ខណៈដែលអ្នកវិភាគបានកត់សម្គាល់ថា […]

អានបន្ថែម

ម៉ាឡេស៊ីនឹងចាត់វិធានការតាមផ្លូវច្បាប់ប្រឆាំងនឹង X ពាក់ព័ន្ធនឹងការព្រួយបារម្ភអំពី Grok AI

2026/01/14

ការតម្លើងជំហានផ្លូវច្បាប់៖ គណៈកម្មការទំនាក់ទំនង និងពហុមេឌៀម៉ាឡេស៊ី (MCMC) បានប្រកាសកាលពីថ្ងៃទី១៣ ខែមករា ឆ្នាំ២០២៦ ថា ខ្លួននឹងចាត់វិធានការតាមផ្លូវច្បាប់ប្រឆាំងនឹង X។ អាជ្ញាធរបញ្ជាក់ថា ទោះបីជាខ្លួនបានផ្ញើសេចក្តីជូនដំណឹងឱ្យដកចេញមាតិកា នៅដើមខែនេះ ទាក់ទងនឹងមាតិកា “អាសអាភាស បែបផ្លូវភេទ និងមិនមានការយល់ព្រម” ដែលពាក់ព័ន្ធនឹងស្ត្រី និងអនីតិជនក៏ដោយ ក៏វេទិកានេះមិនបានចាត់វិធានការណាមួយឡើយ។ ប្រតិកម្មត្រួតពិនិត្យពីអន្តរជាតិ៖ ម៉ាឡេស៊ីមិនមែនជាប្រទេសតែមួយដែលចាត់វិធានការនោះទេ នៅមានការស៊ើបអង្កេតជាច្រើនកំពុងកើតឡើងនៅទូទាំងពិភពលោក៖ “ការឧស្សាហកម្មភាពនៃការរំខានផ្លូវភេទ”៖ រដ្ឋមន្ត្រីក្រសួងព័ត៌មានអាល្លឺបានអំពាវនាវឱ្យមានអន្តរាគមន៍ផ្នែកច្បាប់របស់សហភាពអឺរ៉ុប ដោយពិពណ៌នាពីស្ថានការណ៍នេះថា អាចនាំទៅរក “ការធ្វើឱ្យការរំខានផ្លូវភេទក្លាយជាឧស្សាហកម្ម”។ ប្រទេសអ៊ីតាលី និងអូស្ត្រាលី ក៏កំពុងស៊ើបអង្កេតអំពីការរំលោភឯកជនភាព និងការបំពានតាមរូបភាពផងដែរ។ ការឆ្លើយតបពីក្រុមហ៊ុន៖ នៅពេលត្រូវបានស្នើសុំការអត្ថាធិប្បាយ xAI បានផ្ញើសារឆ្លើយតបស្វ័យប្រវត្តិដោយបញ្ជាក់ថា “Legacy Media Lies” (សារព័ត៌មានចាស់ៗនិយាយកុហក)។ ខណៈដែល X អះអាងថា ខ្លួនដកចេញមាតិកាខុសច្បាប់ ហើយ Musk បានព្រមានអ្នកប្រើប្រាស់អំពីផលវិបាកនានា ស្របពេលអាជ្ញាធរត្រួតពិនិត្យបានអះអាងថា ការកំណត់ឧបករណ៍បង្កើតមាតិកា សម្រាប់តែអ្នកប្រើប្រាស់ដែលបង់ថ្លៃ មិនមែនជាវិធានការគ្រប់គ្រាន់នោះទេ។ អត្ថបទដើម៖ https://www.channelnewsasia.com/asia/grok-elon-musk-malaysia-take-legal-action-against-x-over-ai-concerns-5855436 __ Malaysia […]

អានបន្ថែម

ការប្រកួតប្រជែង “AI Ready ASEAN Youth Challenge” – ឱកាសសម្រាប់យុវជនកម្ពុជាក្នុងការច្នៃប្រឌិតបញ្ញាសិប្បនិម្មិតដើម្បីសង្គម

2026/01/14

[English below] AI Ready ASEAN Youth Challenge គឺជាកម្មវិធីប្រកួតប្រជែងកម្រិតតំបន់ ដែលផ្តល់ឱកាសដល់អ្នកច្នៃប្រឌិតវ័យក្មេងនៅអាស៊ីអាគ្នេយ៍ ក្នុងការប្រើប្រាស់ បញ្ញាសិប្បនិម្មិត (AI) ដើម្បីដោះស្រាយបញ្ហាប្រឈមជាក់ស្ដែង និងលើកកម្ពស់សហគមន៍។ កម្មវិធីនេះមានគោលបំណងពង្រឹងចំណេះដឹងផ្នែក AI ជំរុញកិច្ចសហប្រតិបត្តិការក្នុងតំបន់ និងបង្កើតផលវិជ្ជមានសម្រាប់អនាគតប្រកបដោយនិរន្តរភាពក្នុងតំបន់អាស៊ាន។ លក្ខខណ្ឌនៃការចូលរួម៖ វិស័យផ្តោតសំខាន់នៃដំណោះស្រាយ ដំណោះស្រាយ AI ដែលដាក់ស្នើត្រូវតែឆ្លើយតបទៅនឹងវិស័យអាទិភាពណាមួយរបស់ Google.org រួមមាន៖ រង្វាន់ និងអត្ថប្រយោជន៍ កម្មវិធីនេះមានកញ្ចប់រង្វាន់សរុបចំនួន ២០,០០០ ដុល្លារអាមេរិក សម្រាប់ដំណោះស្រាយដែលមានលទ្ធភាពអនុវត្តបាន និងផ្តល់ផលប្រយោជន៍ដល់សាធារណៈ។ កាលបរិច្ឆេទសំខាន់ៗ តម្រូវការសម្រាប់ការដាក់ស្នើ បេក្ខជនត្រូវដាក់ស្នើសំណើជាលាយលក្ខណ៍អក្សរជាភាសាអង់គ្លេស (មិនលើសពី ៥ ទំព័រ) និងវីដេអូបកស្រាយ (Pitch Video) រយៈពេល ៣ នាទី ជាភាសាអង់គ្លេស។ ក្នុងសំណើនោះ ត្រូវបង្ហាញពីបញ្ហាដែលចង់ដោះស្រាយ របៀបដែល AI ត្រូវបានប្រើប្រាស់ លទ្ធភាពនៃការអនុវត្ត និងផែនការផ្សព្វផ្សាយចំណេះដឹង AI ដល់សមាជិកសហគមន៍យ៉ាងហោចណាស់ ១,០០០ […]

អានបន្ថែម

សេចក្ដីជូនដំណឹង ស្ដីពី ការជ្រើសរើសនិស្សិតអាហារូបករណ៍ចូលសិក្សាថ្នាក់បរិញ្ញាបត្រជាន់ខ្ពស់ ឯកទេសបច្ចេកវិទ្យាឌីជីថលចំនួន ៥០ កន្លែង សម្រាប់ឆ្នាំសិក្សា ២០២៦ នៅបណ្ឌិត្យសភាបច្ចេកវិទ្យាឌីជីថលកម្ពុជា

2026/01/14

ក្រសួងប្រៃសណីយ៍និងទូរគមនាគមន៍ (ក.ប.ទ.) សូមជម្រាបជូនដំណឹងដល់និស្សិត និងសាធារណជនទាំងអស់ ជ្រាបថា ដើម្បីជំរុញការកសាងធនធានមនុស្សឆ្នើមលើជំនាញបច្ចេកវិទ្យាឌីជីថល សម្រាប់ចូលរួមអនុវត្តយុទ្ធសាស្ត្របញ្ចកោណ ដំណាក់កាលទី១ និងគោលនយោបាយរដ្ឋាភិបាលឌីជីថលកម្ពុជា ឆ្នាំ២០២២-២០៣៥ របស់រាជរដ្ឋាភិបាល ក្នុងឆ្នាំសិក្សាថ្មី ២០២៦ ក.ប.ទ. នឹងជ្រើសរើសនិស្សិតអាហារូបករណ៍ចំនួន ៥០ នាក់ ស្មើនឹង ២ ថ្នាក់ ដើម្បីសិក្សាថ្នាក់ បរិញ្ញាបត្រជាន់ខ្ពស់ ឯកទេសបច្ចេកវិទ្យាឌីជីថល ព្រមទាំងធ្វើការបណ្តុះបណ្តាលវិធីសាស្ត្របង្រៀនជំនាញបច្ចេកវិទ្យាឌីជីថល នៅបណ្ឌិត្យសភាបច្ចេកវិទ្យាឌីជីថលកម្ពុជា (CADT) ក្នុងគោលបំណងបង្កើនធនធាន គ្រូឧទ្ទេសផ្នែកបច្ចេកវិទ្យាឌីជីថល សម្រាប់គាំទ្រការបណ្ដុះបណ្ដាលបច្ចេកវិទ្យាឌីជីថល ដោយភ្ជាប់មកជាមួយនូវអត្ថប្រយោជន៍និងលក្ខខណ្ឌដូចខាងក្រោម៖ ១. អត្ថប្រយោជន៍នៃការសិក្សា និស្សិតជ័យលាភីអាហារូបករណ៍ នឹងទទួលបានអត្ថប្រយោជន៍នៃការសិក្សាដូចខាងក្រោម៖ ២. អត្ថប្រយោជន៍នៃអាហារូបករណ៍ និស្សិតជ័យលាភីអាហារូបករណ៍ នឹងទទួលបានអត្ថប្រយោជន៍រួមមាន៖ ៣. លក្ខខណ្ឌនៃការជ្រើសរើស បេក្ខជន និងបេក្ខនារីទាំងអស់ត្រូវបំពេញតាមលក្ខខណ្ឌដូចខាងក្រោម៖ ៤. សំណុំឯកសារ បេក្ខជន និងបេក្ខនារីទាំងអស់ត្រូវដាក់ពាក្យស្នើសុំចូលសិក្សាតាមរយៈប្រព័ន្ធអនឡាញដោយមានសំណុំឯកសារភ្ជាប់មកជាមួយនូវ៖ ៥. កាលបរិច្ឆេទ និងការទទួលពាក្យស្នើសុំប្រឡង អាស្រ័យហេតុនេះ សូមនិស្សិត និងសាធារណជនទាំងអស់ ជ្រាបជាព័ត៌មាន។ #CADT#scholarships#posts#telecommunications#digital#MPTC#GoDigitalCambodia#Cambodia ***** […]

អានបន្ថែម

ឧបករណ៍បញ្ញាសិប្បនិម្មិតសម្រាប់ផលិតភាពការងារ

2025/12/24

ខាងក្រោមនេះជាបញ្ជីនៃឧបករណ៍បញ្ញាសិប្បនិម្មិតមួយចំនួនសម្រាប់ជួយឱ្យផលិតភាពការងាររបស់អ្នកកាន់តែប្រសើរ។ សម្រាប់កិច្ចប្រជុំ Zoom: ក្រៅពីការប្រើប្រាស់ប្រព័ន្ធ Zoom ក្នុងការប្រជុំអនឡាញ ឥឡូវនេះ Zoom បានពង្រីក វិសាលភាពជាមួយ AI ដោយមានសមត្ថភាពអាចសង្ខេបកិច្ចប្រជុំទាំងមូលបានទៀតផង។ Avoma: ជា AI ជំនួយក្នុងកិច្ចប្រជុំ ដែលមានសមត្ថភាពកំណត់ពេលប្រជុំ ថតសម្លេង បម្លែងសម្លេងទៅជាអត្ថបទ និងសង្ខេបការសន្ទនាដោយស្វ័យប្រវត្តិ។ Fireflies.ai: ជាជំនួយការកិច្ចប្រជុំមួយ ដែលអាចកត់ត្រា ថតសម្លេង បម្លែងសម្លេងទៅជាអត្ថបទ និងវិភាគការសន្ទនាដោយស្វ័យប្រវត្តិនៅលើវេទិកាច្រើន។ NotebookLM: គឺជាជំនួយការស្រាវជ្រាវ និងកត់ត្រាដែលផ្អែកលើ AI ជាចម្បង ដែលអាចបង្កើតមូលដ្ឋានចំណេះដឹងផ្ទាល់ខ្លួនពីឯកសារជាក់លាក់ដែលផ្ដល់ឱ្យ រួមមានឯកសារ PDF តំណភ្ជាប់គេហទំព័រ និងអត្ថបទបម្លែងពីវីដេអូ YouTube ដើម្បីបង្កើតសេចក្តីសង្ខេបដែលមានមូលដ្ឋានច្បាស់លាស់។ អាចបង្កើតការពិភាក្សាសំឡេងបែប “podcast” ដែលអាចអន្តរកម្មបាន និងអាចបង្ហាញលទ្ធផលក្នុងទម្រង់ជារូបភាព ដូចជាផែនទីគំនិត (mind maps) និងបទបង្ហាញ (slide decks)។ សម្រាប់ការគ្រប់គ្រងគម្រោង Trello: គឺជាឧបករណ៍សម្រាប់គ្រប់គ្រងគម្រោងដែលជួយក្នុងការរៀបចំ និងគ្រប់គ្រងកិច្ចការ គម្រោង និងលំហូរការងារជាក្រុម។ Asana: […]

អានបន្ថែម

បញ្ញាសិប្បនិម្មិត៖ ការយល់ខុស VS ការពិត

2025/12/23

អានបន្ថែម

ចូលរួមទស្សនាដោយសេរី នៅក្នុងពិព័រណ៍រដ្ឋាភិបាលឌីជីថល និងបច្ចេកវិទ្យាឌីជីថលកម្ពុជា-អន្តរជាតិ

2025/11/27

អានបន្ថែម

ឯកឧត្តមរដ្ឋមន្រ្តី ជា វ៉ាន់ដេត បានអញ្ជើញថ្លែងសុន្ទរកថាគន្លឹះក្នុងពិធីបើកសន្និសីទថ្នាក់ជាតិស្ដីពីបញ្ជាសិប្បនិម្មិតសម្រាប់ការអប់រំ ឆ្នាំ២០២៥ ក្រោមប្រធានបទ “បញ្ញាសិប្បនិម្មិតសម្រាប់អនាគតនៃការអប់រំនៅកម្ពុជា”

2025/11/27

រាជធានីភ្នំពេញ៖ ព្រឹកថ្ងៃទី២៤ ខែវិច្ឆិកា ឆ្នាំ២០២៥ ឯកឧត្តម ជា វ៉ាន់ដេត រដ្ឋមន្រ្តីក្រសួងប្រៃសណីយ៍និងទូរគមនាគមន៍ (ក.ប.ទ.) បានអញ្ជើញថ្លែងសុន្ទរកថាគន្លឹះក្នុងពិធីបើកសន្និសីទថ្នាក់ជាតិស្ដីពីបញ្ជាសិប្បនិម្មិតសម្រាប់ការអប់រំ ឆ្នាំ២០២៥ ក្រោមប្រធានបទ “បញ្ញាសិប្បនិម្មិតសម្រាប់អនាគតនៃការអប់រំនៅកម្ពុជា” ក្រោមអធិបតីភាពដ៏ខ្ពង់ខ្ពស់របស់ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា ដោយមានការចូលរួមពីតំណាងអង្គទូត ដៃគូអភិវឌ្ឍ គ្រឹះស្ថានអប់រំ និងសិស្ស និស្សិត ប្រមាណជាង ៤០០រូប នៅបណ្ឌិត្យសភាបច្ចេកវិទ្យាឌីជីថលកម្ពុជា។ ថ្លែងក្នុងពិធីនេះ ឯកឧត្តមរដ្ឋមន្រ្តី បានបញ្ជាក់អំពីសារៈសំខាន់នៃបចេ្ចកវិទ្យាបញ្ញាសិប្បនិម្មិតដែលបាននិងកំពុងរីកចម្រើនយ៉ាងឆាប់រហ័ស ហើយបានចូលរួមចំណែកក្នុងការជំរុញសេដ្ឋកិច្ចនិងសង្គម។ ក្នុងន័យនេះ ក.ប.ទ. បានបំពេញការងារអាទិភាពជាច្រើន រួមទាំងការរៀបចំសេចក្តីព្រាងគោលនយោបាយ និងលិខិតបទដ្ឋានគតិយុត្តពាក់ព័ន្ធ សំដៅកសាងហេដ្ឋារចនាសម្ព័ន្ធឆ្អឹងខ្នងនិងអភិបាលកិច្ចក្នុងវិស័យនេះ តាមការប្រគល់ភារកិច្ចពីរាជរដ្ឋាភិបាល។ ឯកឧត្តមរដ្ឋមន្រ្តី បន្តថា ក.ប.ទ. ក៏បានខិតខំកសាងធនធានមនុស្សឌីជីថល ឱ្យស្របតាមតម្រូវការរបស់កម្ពុជានាពេលបច្ចុប្បន្ន ដោយបានផ្តល់អាហារូបករណ៍ ជំនួយហិរញ្ញវត្ថុ និងកម្មវិធីបណ្តុះបណ្តាលផ្សេងទៀតដល់សិស្ស និស្សិត និងមន្រ្តីរាជការ ចាប់តាំងពីឆ្នាំ២០២០ រហូតមកដល់បច្ចុប្បន្ន។ ក្នុងចំណោមនិស្សិត ២៥០០ មាននិស្សិតប្រមាណ ១៧០នាក់ […]

អានបន្ថែម

ស្វែងរកនៅទីនេះ

អត្ថបទព័ត៌មាន និងព្រឹត្តិការណ៍